Endraiar d’estudis de cantairitz

MUSIQUE | Lyrique / Opéra

Comment devient-on chanteuse d’opéra ?

A découvrir : le parcours de La jeune soprano aixoise Magali Arnault.

endraiar

Paciéncia, trabalh amb una votz polida, son lei condicions màgers per enregar una carriera de  antairitz lirica, tau coma o fa la joina Sestiana Magalí Arnault-Stanczak.

Sa votz fresca e sopla de soprano se faguèt remarcar dins una opera baròc d’Haendel, Acis e Galatea, au Festivau d’Art Liric d’Ais, au mes de julhet. Segur que l’ausir em encara.

Mai coma endraiar un mestier parier ? “Èri au collègi e au licèu as Ais dins de classas especialas de dansa e cant. Puei au Conservatòri de ma ciutat. E presentèri un concors a l’Escòla Auta de Musica de Geneva”.

Teniáu dètz e sèt ans. A la ciutat elveta aviá un professor bèn conoissut, lo bariton soïssa Gieli Cachemaille. I demorèt cinc ans Magalí, per perfeccionar son cant, mai tanben per s’amadurar, “e afortir mon gost per la musica baròca”. Serà puei un autre concors a Londres, aqueu còp, au Royal College of Music, onte aprenguèt encara dos ans, non solament a cantar, mai encara a se tenir sus lo pontin. En Anglatèrra fau arribar dins lei premiers per daverar una borsa, que leis estudis còstan fòrça. Mai pas mens leis engatjaments son ja possibles. Ara demòra a París, onte estudia au Conservatòri Superior Nacionau.

Dins tot aqueu cursus, faliá segur cantar d’oras e d’oras, mai tanben afortir sa cultura musicala, sa conoisséncia dei compositors. “Lo trabalh s’alestís tant dins la bibliotèca coma dins l’atalhier de cant”, amb un estrambòrd egau.

 
 

Informations pratiques

Tarifs
entrée gratuite
 
visitez notre page facebook RSS
 
Vous recherchez
un événement ?
un acteur culturel ?
un lieu culturel ?
Culture 13 TV domaine des murmures